Ədalətsizliklə Mübarizə
HAKİMİYYƏTİN MƏNİMSƏNİLMƏSİ XALQA QARŞI ƏN AĞIR CİNAYƏTDİR. AR-nın Konstitusiyası m. 6
Azərbaycanda dövlət mövcud deyil!
Azərbaycan bütün tarixi boyu ancaq itirə-itirə gəlib. Biz ərazilərimizi, azadlığımızı, milliyətçiliyimizi itirmişik. Bu əsrlər boyu davam edib. Ancaq 20-ci əsrdə bir xalq kimi bütün itirmə limitlərini keçmişik. Belə ki, 20-ci əsrin əvəlləri Zəngəzur və Borçalımızı itirdik, əsrin sonunda isə Qarabağımızı. Bunlarla bərabər inamımızı da!
Sonra köhnə Bakımızı itirdik, çünki parlaq və klassik avropa şəhərindən indi tarixi silinmiş, süni gözəlliklə bəzənmiş Bakımız var qarşımızda.
İmkansızlıq ucbatından xalqımızın 50%-dan çoxu ana yurdundan uzaqlaşıb başqa-başqa yerlərdə məkan salıblar.
Bunlardan başqa xalqımız 20-ci əsrin sonunda Heydər Əliyevin hakimiyyətə gəlməsi ilə ilk öncə xalqı seçki hüququnu itirdi, sonra isə xalqlığını.
Hər bir ölkədə 3 təbəqə insanlar mövcuddur: varlılar, orta səviyyədə yaşayanlar və kasıblar. Əliyev rejimi represiya maşınını işə saldıqdan sonra Azərbaycanda orta təbəqənin məhv olunmasına nail oldu.
Bu günki kriminal hakimiyyət Heydər Əliyevi Azərbaycan dövlətini yaradıcısı kimi təqdim edirlər. Ancaq sual verən yoxdur ki, hansı dövlətin? Dövlət mövcuddurmu? Azərbaycanda bir kriminal hakimiyyət mövcuddur.
Azərbaycan dövləti isə ancaq xəritədə mövcuddur. Hüquqi baxımdan isə o mövcud deyil. Biz dövlətimizidə itirmişik, lakin bunu fərqində deyilik. Çünki dövlət- atributlarla və saxta yolla seçilmiş hakimiyyətlə “Dövlət” olmasını ortaya qoymur.
Hər bir dövlətin hüququ və öhdəlikləri var. Dövlətin dövlət olması üçün 4 əsas amilləri yerinə yetirməlidir:
- ərazi bütövlüyü
- vətəndaşlarının təhlükəsizliyini təmin etmək
- normal yaşayış üçün sosial təminat
- xalqın hüquq və azadlığının qorunması
İndi baxın görün bizim dövlət bunlardan hansını həyata keçirdir?
- 20% torpağımız işğal altındadır
- Ən pis vəziyyət insanların təhlükəsizliyini təmini sahəsindədir. Çünki insanların təhlükəsizliyini təmin edən hüquq mühafizə orqanlarıdır xüsusən DTX və DİN. Bunlar təhlükəsizlik təmin etmək əvəzinə represiya maşını rolunu həyata keçirdirlər.
- Normal yaşayış üçün sosial təminat Azərbaycanda tam yox vəziyyətindədir. Heç bir yerdə işləməyən ailəyə 200 manata qədər müavinat verilir. Onuda şərtlə!!! 6 ayını Sosial təminat idarəsi mənimsəyir 6 ayını isə vətəndaşa verirlər yəni 1200 manat. Ölkədə pulzuz tibbi yardım almaq mümkün deyil. Təhsil yox vəziyyətindədir.
- Hər kəsə məlum olduğu kimi ən gülünc vəziyyətdə olan isə xalqın hüquq və azadlığının qorunmasıdır.
Hal-hazırda ki, vəziyyətə göz yetirdikdə Azərbaycan bir dövlət kimi görünmür. Ölkə əliyevlərin bir komersiya strukturuna bənzəyir. Əliyev hakimiyyətinin 22 il əməyi nəticəsində biz xəritədə Azərbaycan dövləti kimi deyil, sahəsi kimi yer almışıq.
Tural Məhərrəmov
Ədalətsizliklə Mübarizə 