Ədalətsizliklə Mübarizə
HAKİMİYYƏTİN MƏNİMSƏNİLMƏSİ XALQA QARŞI ƏN AĞIR CİNAYƏTDİR. AR-nın Konstitusiyası m. 6
ATƏT Azərbaycana müşahidəçi göndərməkdən imtina etdi
ATƏT Azərbaycanda qarşıdan gələn parlament seçkisini müşahidə etməkdən imtina edir. Bu barədəATƏT-in Demokratik Təsisatlar və Insan Haqları Bürosunun rəhbəri Mixail Link bəyanat verib.
Onun bəyanatında deyilir ki, Azərbaycan hakimiyyətinin ölkədə noyabrın 1-də keçiriləcək seçkiləri müşahidə edəcək şəxslərin sayı ilə bağlı məhdudiyyət qoyması bu prosesin müşahidəsini mümkünsüz edir. “Azərbaycan hakimiyyətinin müşahidəçilərlə bağlı irəli sürdüyü məhdudlaşdırıcı tələb keyfiyyətli şəkildə seçki müşahidəçiliyinə imkan vermir. Dərin təəssüf hissi ilə bildirirəm ki, Azərbaycan tərəfinin qoyduğu tələb bizi seçkilərin müşahidəsini aparmaqdan imtinaya məcbur etdi. Azərbaycan hakimiyyətinin müşahidəçilərin sayı ilə bağlı məsələdə təkid etməsi ölkənin ATƏT qarşısında seçkilərlə bağlı götürdüyü öhdəliklərə, eyni zamanda Demokratik Təsisatlar və Insan Haqları Bürosunun seçkiləri müşahidəmandatının prinsiplərinə ziddir”, – deyə bəyanatda bildirilir.
Qeyd edək ki, Avropa Parlamentinin qəbul etdiyi son qətnamədə də Avropa strukturlarına Azərbaycanda keçiriləcək parlament seçkilərinə müşahidəçi göndərməmələri ilə bağlı çağırış edilib. Sənəddəvurğulanıb ki, müşahidəçi göndərilməsi seçkilərə legitimlik donu geyindirməyə xidmət edə bilər.
azadliq.info
