Ədalətsizliklə Mübarizə

HAKİMİYYƏTİN MƏNİMSƏNİLMƏSİ XALQA QARŞI ƏN AĞIR CİNAYƏTDİR. AR-nın Konstitusiyası m. 6

Əli İnsanova işgəncə verilir

ali_insanov_391153715eli-insanovSabiq nazir heç bir əsas olmadan «karsa» salınıb və üç gün dözülməz şəraitdə saxlanılıb; hələ də ona yetərincə qida verilmir

«Bütün bunlar hakimiyyətin mənə qarşı sui-qəsd planının tərkib hissəsidir»

Keçmiş səhiyyə naziri Əli Insanov Kürdəxanıdakı 1 saylı Bakı istintaq təcridxanasının rəisi Azər Seyidovu məhkəməyə verib. Buna səbəb isə keçmiş nazirin təcridxanada heç bir səbəb olmadan cərimə otağına (“kars”) salınması, havanın temperaturu 40-42 dərəcə olduğu günlərdə orada kifayət qədər su və sərinkeş verilmədən ağır vəziyyətdə saxlanılmasıdır.

Bakı Ağır Cinayətlər Məhkəməsi 18 iyun 2015-ci ildə Əli Insanovun xarici banklarda toplanmış qonorarlarının müsadirə olunması barədə qərar çıxarıb. Keçmiş nazir də həmin qərardan apellyasiya şikayəti verib. Eyni zamanda, apellyasiya məhkəməsinə ərizə ilə müraciət edərək, özünün prosesdə iştirak etmək istəmədiyini bildirib. Bunu əvvəllər də Bakı Apelyasiya Məhkəməsində işinə baxılarkən şüşə kabinəyə salınaraq, danışmağa imkan verilməməsilə izah edib.

Baxmayaraq ki, Əli Insanov məhkəmə prosesində iştirak etmək istəməyib, onu iradəsinə zidd olaraq, saxlanıldığı 13 saylı cəzaçəkmə müəssisəsindən avqustun 1-də istintaq təcridxanasına köçürüblər. Elə təcridxanaya gətirən kimi də birbaşa “kars”a salaraq, üç gün dözülməz şəraitdə saxlayıblar.

Əli Insanovun vəkili Toğrul Babayev “Azadlıq”a açıqlamasında bildirib ki, sabiq nazir üç gündən sonra “kars”dan çıxarılsa da, bu günə qədər ona təsdiq olunmuş rasion üzrə qida verilmir, evdən aparılan zəruri qida məhsulları isə təcridxanaya buraxılmır.

Yeri gəlmişkən, Əli Insanovun şikayətinə Bakı Apelyasiya Məhkəməsində hakim Əflatun Qasımovun sədrliyilə baxılır. Qasımov avqustun 6-da bu iş üzrə məhkəmə baxışının Əli Insanovun iştirakı olmadan keçirilməsi barədə qərar çıxarıb. Məhkəmə baxışı isə avqustun 14-nə təyin olunub.

Prosesin Əli Insanovun iştirakı olmadan keçirilməsinə dair məhkəmə qərarı olmasına baxmayaraq, keçmiş nazir hələ də Kürdəxanı təcridxanasında saxlanılır.

Əli Insanov hesab edir ki, siyasi hakimiyyətin tapşırığı ilə ona qarşı işgəncələri davam etdirmək üçün bu vəziyyətdə saxlanılır. Sabiq nazir bütün bunları bir müddət əvvəl mətbuat yayılmış, hakimiyyətin ona qarşı sui-qəsd planının tərkib hissəsi sayır.

Əli Insanov məruz qaldığı işgəncə ilə əlaqədar Bakı Istintaq Təcridxanasının rəhbərliyinə də ərizə ilə müraciət edib.

azadliq.info

Şərhini yaz

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

Məlumat

This entry was posted on 10.08.2015 by .

Bizimlə əlaqə

+46727221262

Köhnə yazılar (aylarla)

Bu bloqu izləmək və yeni yazılarla əlaqədar bildirişləri e-poçt yolu ilə almaq üçün e-poçt ünvanınızı daxil edin.

Digər 1. 113 izləyiciyə qoşulun

Bandotdel şərəfsizliyi

%d bloqqer bunu bəyənir: